КОВАЛЁВ
КОВАЛЁВ Александр Александрович (1921- ж. т., Москва обл., Люберцы) – геолог, геология-минералогия илимд. доктору (1970), СССР-дин мамл. сыйл. эки жолку лауреаты. Москва геол. чалгындоо ин-тун бүткөн (1943). Кыргыз ССРинин Геология башкармасынын геол. партияларында ж-а экспедицияларында улук, башкы геолог болуп иштеген. Кийин МГУда эмгектенген. Кырг-ндагы уран кендеринин бирин ачууга ж-а чалгындоого активдүү катышкан. Эмгек Кызыл Туу ордени, медалдар м-н сыйланган.