КИЧИ СУУК-ТӨР МӨҢГҮСҮ
КИЧИ СУУК-ТӨР МӨҢГҮСҮ – Какшаал кырка тоосунун түн. капталындагы өрөөн тибиндеги мөңгү. Уз. 6,5 км, аянты 9,0 км2. Ак-Шыйрак суусунун оң куймасы. Жаңарттын алабынан орун алган. Мөңгүнүн башы деңиз деңг. 4800 м, этеги 3840 м бийикте жатат. Этеги бири-бирине улай жаткан бир нече морена жалчасы м-н курчалган. «Тилинин» сол четинде кар көчкүлөрүнүн конустары жатат. Мөңгүдөн Кичи Суук- Төр өзөнү агып чыгып, Жаңарттын оң куймасы – Суук-Төргө сол жактан куят.