КИЧИ КЕМИН 1

КИЧИ КЕМИН – Чүй д-нын оң куймасы. Кемин р-нунда. Иле Ала-Тоосунун түш. капталынан башталып, түш.-батышты карай адегенде Ак- Түз капчыгайы, андан төмөн Кичи Кемин өрөөнү аркылуу агып, Чүй д-на жетпей сугатка бөлү­нүп кетет. Уз. 81 км, алабынын аянты 614 км². Жогорку бөлүгүндө кууш өрөөн м-н агып, ортоң­ку агымында сайы кеңийт. Жылдык орт. чыгы­мы 2,10 м³/сек. Эң көп чыгымы 8,63 м³/сек (июль), эң азы 0,46 м³/сек (февраль). Ири куй­малары: Кертабылгы (19 км), Сасык-Булак (15 км). Жээгинде Ак-Түз шаарчасы, Ильич, Жаңы-Жол, Кичи Кемин, Боролдой кыш. жай­гашкан.