ДҮЙНӨ БӨЛҮКТӨРҮ

ДҮЙНӨ БӨЛҮКТӨРҮ – Жер шарынын шарттуу бөлүктөрү; ага материктер же анын бөлүктөрү жана ага жакын жаткан аралдар кирет. Дүйнө бөлүктөрү алтоо: Европа, Азия (экөө биригип, Евразия материгин түзөт), Африка, Австралия, Америка (Түштүк Америка, Түндүк Америка материк­тери), Антарктида; кээде Океания да дүйнө бөлүктөрүнө кирет. Ошондой эле Жаңы жана Эски дүйнө бөлүктөрүнө бөлүнөт.