КАРНО ЦИКЛИ
КАРНО́ ЦИКЛИ – эки изотерма ж-а эки адиабата процесстеринен турган кайталанма, айланма процесс (жүрүш). Жылуулук машиналарынын пайдалуу аракет коэффициентин аныктоодо франциялык инженер Н. Л. С. Карно бул циклди 1824-жылы биринчи изилдеген. Карно циклинин пайдалуу аракет коэффициенти (11) жумуш аткаруучу нерсенин (буу, газ ж. б.) касиетине көз каранды эмес, ал жылуулук бергичтин Т1 ж-а жылуулук кабыл алгычтын Т2 температураларынын чоңдугу м-н аныкталат, башкача айтканда 11=(Т –Т )/Т . Ар кандай жылуулук машиналарынын пайдалуу аракет коэффициенти Карно циклинин пайдалуу аракет коэффициентинен көп болушу мүмкүн эмес. Карно цикли термодинамиканы ж-а жылуулук техникасын өнүктүрүүдө, жаңы кыймылдаткычтарды жасоодо чоң мааниге ээ. Карно циклине таянып, температуранын абсолюттук термодинамикалык шкаласы түзүлгөн, Клапейрон-Клаузиус теңдемеси чыгарылган.