КАРА-СУУ (Кара-Буура районундагы кыштак)
КАРА-СУУ – Талас облусунун Кара-Буура районундагы кыштак. Бейшеке айыл округуна караштуу. Кара-Суу суусунун боюнда, деңиз деңгээлинен 880 м бийикте жайгашкан. Райондун борбору Кызыл-Адыр кыштагынан 8 км. Маймак темир жол бекетинен 65 км. Кыштак 1930-жылы негизделген. Калкы 2956 (2007); негизинен мал чарбасы м-н алектенип, дыйканчылыкта эмгектенет. Орто мектеп, китепкана бар. Мончо, ФАП, тегирмен иштейт.