КАРА-БҮРГӨН
КАРА-БҮРГӨН , Ө з г ө р ү ш – Нарын облусунун Ак-Талаа районундагы кыштак. Кара-Бүргөн айыл округуна караштуу. Жаман-Дөбө суусунун боюнда, деңиз деңгээлинен 1865 м бийикте жайгашкан. Райондун борбору Баетов кыштагынан 28 км батыш тарапта. Балыкчы темир жол бекетинен 328 км. Кыштак 1929-жылы негизделген. Калкы 2191 (2022); негизинен мал м-н алектенет. Орто мектеп, китепкана, клуб, ФАП, мончо бар. Улуу Ата Мекендик согушта курман болгондорго эстелик тургузулган. Кыштакта Социалисттик Эмгектин Баатыры К. Жүзмамбетов туулган.