КЕТМЕН (эмгек куралы)
КЕТМЕН – дыйканчылыкта колдонулуучу эмгек куралы. К. алгачкы дыйканчылык м-н кошо пайда болуп, адегенде таштан, колодон, кийин жалпак курч темирден жасалган. Анын уңгусу, башы ж-а сабы болот. К-дин башы үч бурч, тегерек ж-а сүйрү формада, уз. 25–35 см, эни 20– 30 смдей. Уңгусуна 5–7 см келген жоон түтүкчө ширетилет же кадалат да, ага 1,5 мче жумуру жыгач сапталат. Бети жылмаланып, мизи курчутулуп, уңгусу жагынан эки чети ичин көздөй бир аз кайрылат. Учурда жер казуу, арык чабуу ж. б. а. ч. иштеринде К. кеңири пайдаланылат.