КЕННЕДИ
КЕ́ННЕДИ Жон Фитцжералд (29. 5. 1917, Бруклин, Массачусетс штаты – 22. 11. 1963, Техас, Даллас) –
мамл. ж-а саясий ишмер, АКШнын 35-президенти (1961–63), миллионер католиктин үй-бүлөсүнөн. 1940-ж. Гарвард ун-тин бүтүргөн. 1941–45-ж. АКШ АДФте флот офицери, 1947– 61-ж. АКШ демокр. партиясынан АКШ Конгрессинин өкүлдөр палатасына мүчө, 1953–61-ж. Массачусетс штатынан Сенаттын мүчөсү, Президент катары социалдык-экон. реформалардын чектелген программасын сунуш кылган. Согуштук блокторду ж-а АКШнын куралдуу күчтөрүн чыңдоого аракеттенген, о. эле дүйнөдөгү күчтөрдүн өз ара катышынын өзгөрүшүн эске алып, СССРге реалдуу мамиле жасоого үндөгөн. АКШнын реакциячыл чөйрөлөрү Далласта атып өлтүрүшкөн.