КВАНТТЫК ОПТИКА
КВАНТТЫК О́ПТИКА – статистикалык оптиканын бөлүмү; ал жарык талаасынын микротүзүлүшүн ж-а жарыктын кванттык табияты көрүнгөн оптикалык кубулуштарды изилдейт. Нурлануунун кванттык түзүлүшү ж-дөгү көз карашты 1900-ж. немис физиги М. Планк киргизген. К. о. жарыктын турактуу касиетин ж-а жарык нерселер аркылуу таралган учурда алар м-н болгон аракетин, жарык талаасынын абалын изилдейт. 1960-жылдары түрдүү физ. объектилерде лазерлер пайда болгон. Лазерге чейинки жарык булактары чуулуу генераторго окшош болгондуктан, жарыктын турактуу касиетин изилдөөгө мүмкүн эмес эле. Ал эми заттар же нерселер аркылуу таралганда, алардын бөлүкчөлөрү кошумча фотондорду пайда кылат, фотондор жарык талаасынын физ. чоңдугун өзгөртөт, жарык о. эле кабылдагыч эсептегичтер үзгүлтүктүү түрдө ж-а кокусунан кабылдагыч процесстерге ээ. К. о-нын негизги маселелерин аныктоо үчүн талаанын кванттык теориясы колдонулат.
Ад.: Скалли М. О., Зубайри М. С. Квантовая оптика.
М., 2003.