КАПИТАЛ
КАПИТА́Л (англ. capital – башкы) – 1) өндүрүштүн капиталисттик ыкмасына таандык экономикалык мамилелердин жыйындысы; 2) ишкердик– коммерциялык ж-а ишмердиктин башка түрүнүн натыйжасында кошумча нарк пайда кылуучу нарк; 3) бизнесте пайдаланылуучу жалпы ресурстар; 4) жеке адамдын же юридикалык жактын активдеринин милдеттенмелердеги сумманы алып салгандан кийинки накта наркы; 5) компаниянын мүчөлөрү (пайщиктери) тарабынан чарбалык ишмердикке пайдалануу үчүн берилген сумма; 6) ассоциация жөнүндө меморандумда (компания түзүү тууралуу макулдашуу) белгиленүүчү ж-а уставдык– номиналдык же катталган капиталды түшүндүрүүчү сумма.