ДЕЛЬТАПЛАНЕРИЗМ
ДЕЛЬТАПЛАНЕРИ́ЗМ – авиация спортунун эркин учууга негизделген түрү. Мында учуп-конуу үчүн адам буту м-н башкарган дельтапланды колдонот. Дельтапланда учуунун дүйнөлүк рекорду 20 саат. Мелдеш учуу узактыгы
ж-а белгиленген чекке дал түшүү боюнча жүргүзүлөт. 1976-жылы дельтапланеризм боюнча Эл аралык комиссия (СИВЛ) негизделип, Эл аралык авиация федерациясына кирген. Бул спорттун түрү боюнча дүйнөнүн ж-а Европанын чемпионаттары 1977-жылдан кезеги м-н өткөрүлөт.