КАЛИНИН (Жайыл районундагы кыштак)
КАЛИ́НИН – Чүй облусунун Жайыл районундагы кыштак. Красный Восток айыл округуна караштуу. Бишкек – Ташкент автомобиль жолунун боюнда, деңиз деңгээлинен 729 м бийикте жайгашкан. Райондун борбору ж-а темир жол бекети Кара-Балта шаарына туташып кетет. Калкы 3805 (2007); негизинен мал ж-а дыйкан чарбаларында эмгектенет. Орто мектеп, китепкана, амбулатория, медпункт ж-а дарыкана бар. Кыштакта Социалисттик Эмгектин Баатыры М. Э. Скворцова туулган.