КАЙЫҢДЫ (Кемин районундагы кыштак)
КАЙЫҢДЫ – Чүй облусунун Кемин районундагы кыштак. Көк-Ойрок айыл округунун борбору. Чоң Кемин өрөөнүндө, деңиз деңгээлинен 1300 м бийикте жайгашкан. Райондун борбору ж-а темир жол бекети Кемин шаарчасынан 60 км чыгыш тарапта. Кыштак 1930-жылы негизделген. Калкы 1438 (2022); негизинен картөшкө өстүрүшөт ж-а мал багышат. Орто мектеп, китепкана, ФАП бар. Кыштакта белгилүү акын Ысак Шайбек уулу, кыргыз эл акыны А. Токомбаев, КР УИАнын академиктери М. Иманалиев, С. Б. Данияров туулган ж-а залкар комузчу Муратаалы жашаган.