КАР ТОКТОТУУ
КАР ТОКТОТУУ – талаага кар топтоо ж-а анын агротех. ыкмасы. Күздүк эгин, жер-жемиш ж-а көп жылдык өсүмдүктөрдү кышкы же жазгы суукта үшүктөн сактоого, талаанын нымдуулугун арттырууга мүмкүндүк берет. Кар калың болсо, жер көп тоңбойт, жазында эрте эрип, суусу жерге жакшы сиңет, топурак кышкы шамал эрозиясына учурабайт. К. т-нун натыйжасында
эгиндин түшүмдүүлүгү ар гектарынан 2–4 цге көбөйөт. К. т-нун кеңири таралган жолу – кар
жалчаларын топтоо. Кар жалчалары карды трактор м-н айдоо аркылуу шамалга карата туурасынан же кыйгачынан кайчылаш, бири экинчисинен 5–10 м алыстыкта топтолот. Карды
жылуу күндөрү, кардын жумшак, нымдуу кезинде топтогон жакшы. Карды шамал айдап
кетпес үчүн ар кандай тосмолор – кесилген дарак бутактары, үйүлгөн кык, саман ж. б. пайдаланылат.