КАРА-САЙ (Чоң Нарындын сол куймасы)
КАРА-САЙ – Чоң Нарындын сол куймасы. Жети-Өгүз р-нунун аймагы м-н агат. Уз. 61 км, алабынын аянты 845 км2. Ак-Шыйрак тоо тоомунун түн.-батыш капталындагы мөңгүлөрдөн башталып, түш.-батышты, түштүктү, андан кийин батышты карай агат. Башталышында кап-
чыгай аркылуу өтүп, тоодон чыкканда нугу кумдуу келип, саздуу өрөөн м-н агат да, салааларга бөлүнүп, Чоң Нарынга сол жактан куят. Ири куймалары: оңу – Ачык-Таш-Төр, Кундай, Кырк- Коо-Суу, солу – Эгиз-Төр, Сары-Төр, Туюк-Чакыр-Корум. Жылдык орт. чыгымы 13,9 м3/сек. Апрелде кире баштап, сентябрь–октябрда тартылат. Эң көп чыгымы июль–августта, азы январь–февралда байкалат.