КАРАКОЛ ӨРӨӨНҮ (Ак-Суу ж-а Түп райондорунун аймагында)
КАРАКОЛ ӨРӨӨНҮ Түн. Теңир-Тоодо, Тескей Ала-Тоонун түн. капталында, Каракол суусу аккан багыт б-ча түштүктөн түндүккө карай 35 кмге созулат. Ак-Суу ж-а Түп р-ндорунун аймагында. Таманынын жазы жери 3–4 км (Каракол ш-нын түштүгүндө), кууш жери 700– 1000 м, таманынын басымдуу бийикт. 2300– 2700 м. Өрөөн байыркы мөңгүнүн аракетинен
пайда болгон. Өрөөндүн башы тепши сымал, анда ири мөңгүлөр бар. Караколдун ортоңку ж-а төмөнкү бөлүгү кууш, капталдары бир аз жантайыңкы капчыгайды түзөт; тоо капталдарында ири карагай токойлору кездешет. Өрөөндүн ландшафтында шалбаалуу талаа, бийик
чөптүү шалбаа алкактары басымдуу. Өрөөндүн тоодон чыга беришинде Каракол ш. орун алган. Жайыт; ил. ж-а рекреациялык мааниси чоң.