КАРАКОЛ КЕНЧИ Москва университетинин музейинде
КАРАКОЛ КЕНЧИ 1884-ж. Караколдон табылган. Кенч коло дооруна тиешелүү төрт буюмдан турган: бычак, көзөөч, шынаа сымал көлөмдөгү уңгусу жок керки ж-а көзөөч сымал керки. Көзөөч сымал керкинин жасалыш ыкмасы жогорудагы куралдардан кескин айырмаланып, Болгария м-н Румыниянын чек арасында жайгашкан Гумельница энеолит мад-тынын буюмдарына жакын. Болжолу бул буюм К. к-не соода байланышы аркылуу кошулуп калган болуу керек. К. к. Москва ун-тинин антропология музейинде сакталууда.