КАБА-САЙ ОФИКАЛЬЦИТ КЕНИ
КАБА-САЙ ОФИКАЛЬЦИ́Т КЕНИ Жалал-Абад облусунун Ала-Бука районунда, Каба кыштагынан 12 км чыгышта, Курама кырка тоосунун түштүк-чыгыш тармагында, Каба-Сай суусунун сол өйүзүндө. Кен аймагын карбондун акиташ теги м-н мрамору түзөт. Кооз таштар офит, офикальцит, людвигит жука катмарча, линза (3Ч10 м) түрүндө акиташ м-н мрамордун арасында жатат. Офикальциттин сайкалданган бети күзгүдөй жалтырап тунук, саргыч түскө бөлөнүп, өтө кооз көрүнөт. Людвигит өңү кара, сары темгилдүү. Асыл ж-а кооз таштар катары пайдаланууга болот. Болжолдуу запасы 0,5 миң м3.