ИСМАНОВ
ИСМАНОВ Хусаин (24. 1. 1924, Сокулук району, Орок айылы – 28. 9. 1956, Сокулук району, Кашка- Баш айылы) – Даңк орденинин толук кавалери.
Советтик Армияга 1943-жылы чакырылып, Түштүк-Батыш, 3-Украин, 1-Белорус фронтторунда болгон. Украинаны бошотууда, Висладан өтүүдө, Берлинди алууда замбирекчи болуп, эрдик көрсөткөн. Висла дарыясынын сол жээгиндеги плацдармды ээлөөдө душмандын контрчабуулунун мизин кайтаргандыгы үчүн 3-даражадагы (1944), Магнушев плацдармында душман техникаларын жок кылгандыгы үчүн 2-даражадагы (1945) ж-а Познань шаарын алуудагы эрдиги үчүн 1-даражадагы Даңк (1945), Кызыл Жылдыз ордендери ж-а медалдар м-н сыйланган.