КАНЖЫГА
КАНЖЫГА – ат жабдыктарынын бири; ар кандай буюмду байлап алуу жана бөктөрүү үчүн ээрдин эки жак капталынын арткы четине бекитилген чагаракка же көзөнөккө чие түйүлгөн ичке кош кайыш боо. Канжыга ийленген кайыштан тилинип, кез-кез майланып турат. Узундугу 0,5 мче болот. Бешик же бала өңөрүүдө аялдардын ээринин эки капталынын алдыңкы четине да канжыга тагылат.