ГАЛЬКА

ГА́ЛЬКА , с а й т а ш – тоо тектердин жана минералдардын суу агымы же деӊиз толкуну менен жумуруланган 1–10 см өлчөмдөгү сыныктары. Көлөмү боюнча 3кө бөлүнөт: майда (1–2,5 см), орточо (2,5–5 см) жана чоӊ (5–10 см). Формалары ар түрдүү. Дарыя өрөөндөрүндө, тоо этектеринде, деӊиз жээктеринде көп. Галькалардын бир жерге жыйылганы – г а л е ч н и к, камдашканы – к о н г л о м е р а т. Жол куруу иштеринде кеӊири пайдаланылат.