ИCМАНОВ
ИCМАНОВ Ахмат (13. 1. 1932-жылы туулган, Чүй облусу‚ Чүй району‚ Алчалы айылы) – экономист, экономика илимдеринин доктору (1992)‚ КР УИАнын корреспондент-мүчөсү (1993)‚ КР илимине эмгек сиңирген ишмер (1997)‚ эмгек ресурстарын пайдалануу маселелери боюнча адис.
Ташкент юридикалык институтун (1954)‚ Кыргыз CCР ИА ЭИнин аспирантурасын (1966) бүткөн. 1954–62-жылдарда Кыргыз ССР прокуратурасынын тергөөчүсү‚ Кыргыз ССР Жогорку сотунун мүчөсү‚ 1966– 94-жылдарда Кыргыз CCР ИА ЭИде илимий кызматкер‚ бөлүм башчы‚ Президиумунун окумуштуу секретары‚ 1994–99-жылдарда коомдук илимдер институтунда (Ош шаары) директордун орун басары ж-а дирекциянын кеңешчиси‚ 1998-жылдан КЭУ-нун профессору. 110дон ашуун илимий эмгеги‚ анын ичинде 8 монографиясы жарык көргөн.
Эмг.: Пути повышения эффективности использования трудовых ресурсов в сельском хозяйстве. Ф.‚ 1986; Экономическая эффективность использования ресурсов в сельском хозяйстве. Ф.‚ 1993.