ИНДИАНАПОЛИС
ИНДИАНА́ПОЛИС – АКШнын чыгышындагы шаар. Индиана штатынын административдик борбору. Штаттын борбордук бөлүгүндө, Уайт-Ривер дарыясынын (Огайо дарыясынын алабы) боюнда жайгашкан. Калкы 891,4 миң (2024; шаар айланасы м-н 2,1 млн). Ири жол тоому. Эл аралык аэропорту бар. 1821-жылы негизделген 1847-жылдан шаар статусуна ээ. Машина куруу (авиация, автомобиль кыймылдаткычы, подшипник, станок, байланыш каражаты, контролдоп ченөөчү аспаптар, ар кандай өнөр жай жабдуулары), түстүү металлургия, химия-фармацевтика, тамак-аш ж. б. өнөр жай ишканалары иштейт. Университеттер, ИИИлер, китепканалар, музейлер, театрлар бар. Жыл сайын жаз музыка (1999), эл аралык кинофильм ж-а кинематография фестивалдары өткөрүлөт. Зоопарк уюштурулган.