ИЛЬМЕНЬ

И́ЛЬМЕНЬ (жыл баянда – Ильмер, байыркы славяндарча – Словен деңизи) – Новгород облусун­дагы көл, Ильмень ойдуңунда жайгашкан. Орточо аянты 982 км² (суусунун деңгээлине жараша 733 км²ден 2090 км²ге чейин өзгөрүп турат). Узундугу 45 кмдей, туурасы 35 кмге, тереңдиги 10 мге чейин. Жээги саздуу. 50дөй дарыя (Мста, Пола, Ловать, Шелонь ж. б.) куят. Волхов дарыясы агып чыгат. Деңгээли 2,3 мден (мартта) 5,8 мге чейин (майда) өзгөрөт. Октябрда тоңуп, апрелде муз­дан арылат. Балык кармалат. Мста дарыясы, Илмень каналы ж-а Волхов дарыясы аркылуу Вышний Воло­чёк системасы м-н туташат. Ильменден 6 км ара­лыкта Волхов дарыясынын жээгинде Новгород шаары жай­гашкан. 9–12-кылымдарда Ильмень аркылуу «варягдардан гректерге» соода суу жолу өткөн.