АЧ ТАЛАА

АЧ ТАЛАА, Т ү ш т ү к А ч т а л а а ‒ О. Азиядагы түздүк, Сыр-Дарыянын Фергана өрөөнүнөн чыга бериштеги сол жээк тарабы. Түштүгүнөн Түркстан кырка тоосунун этектери менен чектешет; түндүгү менен түн.-батышында Кызыл-Кум чөлүнө кошулат. Аянты 10 миӊ км²дей. Бийикт. 385 мге чейин. Негизинен лёсс сымал кумай жана кумдуу топурактан турат. Жеринин көп бөлүгү сугарылат (Түн. каналы, Борб., Түш. Ач талаа каналдары ж. б.).