АЦЕТАЛЬДЕГИД

АЦЕТАЛЬДЕГИД, у к с у с а л ь д е г и д и, СН₃СНО ‒ кескин жыттуу, түссүз суюктук. Молекулалык массасы 44; б. эрүү t 124°С; кайноо t 20,8 °C; cуу, спирт, эфир менен бардык көлөмдө аралашат. Касиеттери альдегиддерге окшош, альдолдук конденсация реакциясына оӊой кирет: 2СН₃СНО ® СН₃‒ СН(ОН) ‒СН₂‒СНО. Минерал кислоталарынын катышуусунда суюк паральдегидге (СН₃ СНО)₃ жана метальдегидге (СН₃СНО) ₄ полимерленет. Бул эки полимерди күкүрт кислотасын кошуп ысытканда А. пайда болот. Ал сымап тузунун катышуусунда ацетиленге сууну кошуу жолу менен алынат (к. Кучеров реакциясы ). Уксус кислотасын, уксус ангидридин, бутадиенди, ацетальдолду, жасалма чайырларды ж. б. алууда колдонулат.