АХАГГАР МАССИВИ

АХАГГАР МАССИВИ, Х о г г а р ‒ Борб. Сахарадагы тайпак тоо, Алжирде. Чокулары тайпак, тектирлүү кырка тоолор (орт. бийикт. 800 м) базальттуу платолор (орт. бийикт. 2000 м) менен аяктайт. Мында айрым жанар тоо конустары бар. Бийикт. 3003 мге (Тахат чокусу) чейин. Платина, алмаз, уран ж. б. кендери бар. Негизинен тоолуу чөл ландшафты басымдуу. Көчмөн мал чарбасы жана оазис дыйканчылыгы мүнөздүү.