АРТЕМИДА

АРТЕМИДА– байыркы грек мифологиясындагы кудай аял; Зевс менен Летонун кызы, Аполлондун эгизи. Алгач А. – түшүмдүн кудайы, жан-жаныбарлардын жана аңчылыктын, айдын пири болсо, кийинчерээк пакизалыктын, о. эле амазонкалардын колдоочусу жана кош бойлуулардын пири болуп эсептелет. Аны сүрөтчүлөр, скульпторлор чыгармаларында, көбүнесе ажайып сулуу аңчы кыз катары жаа-жебелери же айдын пири катары башында жарым ай, колунда факели менен чагылдырышкан. Байыркы Рим мифологиясында А-ны Диана деп беришет.