АРСЕНОПИРИТ

АРСЕНОПИРИТ (лат. arsenicum – мышьяк жана пирит), мышьяк колчеданы – темирдин сульфид-мышьяктуу бирикмелер тобундагы минерал. Хим. формуласы FeAsS. Моноклин сингониясында кристаллданат. Өңү калай сыяктуу бозомук, металл сымал жалтырак. Катуулугу Mooc шкаласы б-ча 5,5-6. Катуу нерсе менен чапкылаганда, сарымсак жыттанат. Сульфид кенташтары (рудалары) менен аралаш жолугат. А. мышьяк бирикмелерин алууда негизги кенташ; андан кээде кобальт менен никель алынат.