АРАБ ЖЫЛКЫСЫ
АРАБ ЖЫЛКЫСЫ – б. з. 1 миңинчи жылдарында Араб өлкөлөрүндө элдик селекция жолу м-н чыгарылган миңгич жылкы. Анча чоң эмес, сымбаттуу. Ыйык жалынан бийикт. 150—152 см, дене уз. 149—150 см, көкүрөк курчамы 177 см,
шыйрагынын жоондугу 18—19 см. Өңү ак кула, боз. О. кылымда Европага кеңири тарап, жерг. жылкыны жакшыртуу үчүн пайдаланылган. А. ж. таза кандуу, ыкчам жүрүштүү миңги жылкыларды (англия таза кандуу жылкысы, орлов таскактуу, тракенен, терек) чыгарууга катышкан. Чөлдүү жерге чыдамкай келет. Алыска чуркайт. Дүйнөнүн көп өлкөлөрүнө тараган. Кыргызстанда да бар. Жерг. жылкы породаларын жакшыртуу максатында пайдаланылат.