АНДАМАН ДЕҢИЗИ

АНДАМАН ДЕҢИЗИ – Инди океанындагы жартылай туюк деңиз. Индикытай, Малакка аралынын, Андаман жана Никобар аралдары тизмегинин жана Суматра аралынын аралыгында. Бирма, Таиланд, Индонезиянын жээктерин чулгап турат. Аянты 605 миң км². Эң терең жери 4507 м. Суусунун температурасы 26–29°С, туздуулугу 31,5 –32,5%о (жайында), 30,0–32,0%о (кышында) чейин. Суткасына 2 жолу деңиз ташкыны болот (7,2 мге чейин). Негизги порттору: Янгон, Жоржтаун.