АЛЕУТ ТИЛИ

АЛЕУТ ТИЛИ, у н а н г а н т и л и ‒ АКШнын Алеут ж-а РФдин Командор аралында жашаган алеуттардын тили. Эскимос-алеут тобуна кирет. Алеут тили үч диалектиге бөлүнөт: уналашкин, аткин ж-а аттуан. Акыркы эки диалектиде Командордогу алеуттар сүйлөшөт. Тыбыштык түзүлүшүндө 3 үндүү, 17 (20) үнсүз тыбыш бар. Сөздөрдүн морфологиялык түзүлүшү агглютинативдүү, мүчөлүү. РФдин Медино аралындагы алеуттар эне тилиндеги этиштин уӊгуларын сактоо менен орус тилинин жакталыш системасын өздөштүрүшкөн.