‒ имарат бөлмөсүнүн акустикалык сапатын, касиетин жакшыртуу үчүн пайдаланылуучу материалдар. Алар үн жутуучу ж-а үн өткөрбөөчү материал дар болуп бөлүнөт. Айнек буласынан же минералдык кебезден жасалган тешиктүү текчелер ж-а акустикалык шыбактоо үн жутуучу материал болуп эсептелет. Полдун, шыптын ж-а дубалдын арасына коюлуучу асбестоцементтен, жыгач буласынан, борпоӊ пластмассадан ж-а минералдык кебезден жасалган серпилгичтүү текчелер ‒ үн өткөрбөөчү төшөлмө. Бул материал дар өнөр жай ишканалары ж. б. имараттардын ичиндеги пайда болгон ызы-чууну сиӊирүү үчүн, коомдук жайларда (зал, аудитория, радиостудия) үндүн жакшы угулушун камсыз кылат.