АЙТБАЕВ Базылбек
АЙТБАЕВ Базылбек (1926, Талас облусу , Бакай-Ата району, Бейшеке кыштагы – 1986, ошол эле жерде) – малчы, Социалисттик Эмгектин Баатыры (1973). Эмгек
жолун 1942‑жылы Талас облусунун Ленинполь районундагы «Бейшеке» колхозунда катардагы колхозчу болуп иштөөдөн баштаган. 1957-жылдан баш чабан. Ал кой чарбасын өнүктүрүүдө мыкты ийгиликтерге жетишип, 1972-жылы ар жүз тубар койдон 161ден козу, ар койдон 5,2 кг жүн; 1973‑жылы 163төн козу, 5,3 кг жүн кыркып алууга жетишкен. 1974‑79‑жылдары СССР Жогорку Советинин, 1967‑75‑жылдары Кыргыз ССР Жогорку Советинин депутаты. СССР мамлекеттик сыйлыгынын лауреаты (1977). Эки Ленин ж. б. ордендер менен сыйланган.