АЙНЕК ИШТЕРИ
АЙНЕК ИШТЕРИ– имараттардын терезе, каалгаларын айнектөө. Курулушта терезе айнеги, арматуралуу, саймалуу, түстүү, чыңалган айнектер жана айнек блоктору колдонулат. Бул иш айнекти керектүү өлчөмдө кесүү, аны терезеге, каалгага ж. б. жарык кирүүчү оюктардын алкактарына орнотуудан, бекитүүдөн, тазалоодон турат. Кадимки айнектин калыңдыгы 2, 3, 4, 5 жана 6 мм болот. Мында айнектен башка негизги материал катары олифте даярдалган бор жылчык шыбагы (замаскасы), минералдык майлардан жасалган битумдуу жана темир же коргошун суригинде жасалган белила жылчык шыбагы пайдаланылат.