АГА-ХАН III

АГА-ХАН III, С у л т а н М у х а м м а д ш а х (2. 11.1877, Карачи ш. ‒ 11.7. 1957, Египет, Асуан ш.) ‒ шеит-исмаилит мусулмандарынын 48-мураскер имамы. «Ага Хан» титулу Персиянын башкаруучусу тарабынан берилген. Ал 1937-ж. Улуттар Лигасынын Президенти болуп дайындалган. Ага Хан III исмаилит мекемелеринин негизги иш чараларын уюштуруп, жетектөө м-н бирге мусулмандардын кызыкчылыгын жактаган, аялдарга билим берүүнү колдогон ж-а тынчтык үчүн активдүү күрөшүп, эл аралык аренада зор кадыр-баркка ээ болгон.