АБДРАИМОВ Матай
АБДРАИМОВ Матай (1888, Жалал-Абад обл., Ноокен р-ну, Сакалды кыш.– 1953, ошол эле жерде) – пахтачы, Соц. Эмг.
Баатыры (1948). 1929-жылдан коллективдештирүүгө, колхоздун өнүгүшүнө активдүү катышкан. Узак мезгилге чейин пахтачылык звеносунун башчысы, пахта өстүрүүнүн мыкты устаты болгон. Күжүрмөн эмгеги менен пахтадан мол түшүм өстүрүп, 1947-ж. звено 3 га аянттагы пахтанын ар гектарынан 97,3 ц түшүм алган. Эки Ленин ордени менен сыйланган.