АЙЛАНМА КАРАЖАТТАР
АЙЛАНМА КАРАЖАТТАР – айланма фонддордун жана жүгүртүү фонддорунун акчалай туюнтмасы. Айланма каражаттарга өндүрүш запастары, бүтө элек өндүрүштүк даяр продукция, накта акча каражаты жана эсептеги каражат кирет. Кайталап өндүрүү процессинде Айланма каражаттар бир эле учурда өндүрүш чөйрөсүн жана жүгүртүүнү камтуучу өндүрүш фонддорунун түрдүү баскычтарында жана түрдүү формасында айланат. Калыптануу булактарына жараша Айланма каражаттар өздүк жана насыя болуп бөлүнөт.