КУРМАНБАЕВ Эмилбек

КУРМАНБАЕВ Эмилбек [1908, азыркы Жалал-Абад облусу, Токтогул району, Торкен айылы – 1984, ошол эле жер]

– малчы, Социалисттик Эмгектин Баатыры (1948). СССРдин социалисттик айыл чарбанын отличниги. Улуу Ата Мекендик согуштун катышуучусу. Ош (азыркы Жалал-Абад) облусунун Токтогул районундагы «Маданият», «Торкен» колхоздорунда жылкычы болуп иштеген. 1947-ж. 56 бээден 56 кулун алып, аман асыраган. Ленин ордени менен сыйланган.