КРЕДИТ-АКЧА САЯСАТЫ
КРЕДИ́Т-АКЧА САЯСАТЫ – өлкө менен улуттук (борб.) банктын биргелешип иштеп чыккан мамл. экон. саясатынын багыттарынын бири. Жалпы жонунан К.-а. с. өлкөнүн экон. саясатынын максаты менен дал келет, бирок айрым субъекттерге, объекттерге байланыштуу өтмө жана тактикалык максаттарга ээ. К.-а. с-нын объекттери болуп акча рыногундагы сунуш жана талап эсептелет. Субъекти болуп, биринчи кезекте К.-а. с-н жүргүзүү укугуна ээ улуттук (борб.) жана коммерциялык банктар каралат. К.-а. с-нын багыты катары кредит экспансиясы жана рестрикциясы эсептелет. Ал негизинен айлануудагы акча каражаттарын көбөйтүүгө, ошол эле учурда коммерциялык банктардын кредит берүү мүмкүнчүлүгүн чектөөгө багытталат.