КӨЧҮҮ
КӨЧҮҮ – жаныбардын убактылуу жагымсыз тиричилик шартына ыңгайлашуу максатында бир азга чукул жерге орун которуусу, б. а. жаныбардын азык издөө, душманынан жашынуу, эс алуу үчүн жер тандоо түрү. Жаныбарлардын көчүүсү мезгилдик жана кокустан болушу мүмкүн. Алар кээде мурда жашаган ордуна кайтып келишет, мис., кашка чымчык, карга, таан ж. б. канаттуулар. Айрым учурда абдан тез көбөйүүчү түрлөрдө жапырт К. жүрөт, мис., чегиртке, леминг, тыйын чычкан ж. б. жан-жаныбарлардын К-сү.