КЫРК-КАРАКЧЫ ТООСУ
КЫРК-КАРАКЧЫ ТООСУ Исфана өрөөнүнүн
түндүгүндө кеңдик багытта 22 кмге созулуп жа-
тат. Туурасы 5 км. Деңиз деңг. орт. бийикт. 1800–1900 м, эң бийик жери 2272 м. Тоонун кыры тайпаң, анда-санда тик чокулар кездешет. Капталдары жантайыңкы, кокту-колоттору аз. Палеогендин чопо, алевролит, кумдук, акиташ теги, доломит ж-а гипс тектеринен турат. Көмүр кени бар. Тоонун ландшафттары негизинен кургакчыл келип, чөл, жарым чөл, кургак талаа ж-а талаадан турат. Каптал-жондору чөп-чабынды, жайыт катары пайдаланылат; кайрак эгин айдалат.