КЫРК-БУЛАК АНДАЛУЗИТ КЕНИ
КЫРК-БУЛАК АНДАЛУЗИ́Т КЕНИ Баткен облнун Лейлек р-нунда, Өзгөрүш кыш-нан 35 км алыстыкта, деңиз деңг. 3200 м бийикте жайгашкан. 1989-ж. табылган. Андалузит негизинен сланецтер м-н байланышкан, аллювий-пролювий катмарында да кездешет. Ири кристаллдуу андалузит сланецтердин 25–30%ин түзөт. Сырьёнун 50%и зергердик андалузит болуп саналат. Кристаллдардын өлчөмү 4x2,5x x1,8 смден 12x1x1 смге жетип, өңү ачык күрөң, ачык боз келет. Өлчөмү 10x6x4 мм андалузиттин тунук кристаллдарына кыр чыгарып, зергердик буюмдарга колдонсо болот. Запасы эсептелген эмес.