КӨК-БЕЛ
КӨК-БЕЛ – Ош обл-нун Ноокат районундагы кыштак. Көк-Бел айыл округуна караштуу. Ноокат – Папан автомобиль жолунун жээгинде, ¹ 44-жылкы з-дунун аймагында, деңиз деңг. 1640 м бийикте жайгашкан. Райондун борбору Ноокат ш-нан 32 км чыгыш тарапта. Ош т. ж. бекетинен 87 км. Калкы 5385 (2007); негизинен мал ж-а дыйкан чарбаларында эмгектенет. Орто мектеп, китепкана, ФАП бар. Турмуш-тиричилик кызматынын бөлүмдөрү ж-а соода жайлары иштейт. К.-Б-де эгемен Кыргыз Респ-нын биринчи премьер-министри Н. Исанов туулган.