КОТОВСКИЙ
КОТО́ВСКИЙ Григорий Иванович [12 (24). 6. 1881, Бессарабия губерниясы, Ганчешты (азыркы Молдавия, Хынчешть ш. – 6. 8. 1925, Украина, Одесса обл., Овидиополь р-ну, Чебанка кыш.] – сов. аскер жетекчиси. 1900-ж. а. ч. окуу жайын бүткөн. Кедей дыйкандардын талабын коргоп, помещиктерге каршы күрөшкөндүгү үчүн бир нече жолу камакка алынып, сүргүнгө айдалган. 1918-жылдан Одессада большевиктер м-н иштеп, аскердик-диверсиялык иштерди жетектеген. Молдавияда Совет бийлигин орнотууга, 1919-ж. ноябрь айында Петроградды коргошкон. Жарандык согушта атчан аскерлер бригадасынын, дивизиясынын, корпусунун командири болуп, Н. И. Махнонун, С. В. Петлюранын, А. С. Антоновдун куралдуу топторун жоготууга катышкан. К. – УССРдин курамында Молдаван АССРин түзүүчүлөрдүн (1924) бири. К-дин аскердик талантын М. В. Фрунзе жогору баалаган. Сөөгү бальзамдалып, Бирзула ш-нда (азыркы Котовск ш., Одесса обл., Украина) К-дин ысмынан аталган мавзолейге коюлган. Үч жолу Кызыл Туу ордени м-н сыйланган.
Ад.: Шмерлинг В. Г. Котовский. М., 1951; Кузьмин
Н. П. Меч и плуг: Повесть о Г. Котовском. М., 1976;
Ананьев Г. А. Котовский. М., 1982.