КЕРМЕ-ТОО (Ош шаар кеңешине караштуу кыштак)
КЕРМЕ-ТОО – Ош облусундагы кыштак. Ош шаар кеңешине караштуу Жапалак айыл округунун курамында. Облустун борбору Ош шаарынан 6 км батыш тарапта. Ош темир жол бекетинен 7 км. Кыштак 1950-жылы негизделген. Калкы 1631 (2007); негизинен дыйкан чарбаларында эмгектенет. Тамеки кабыл алуучу пункт, маданият үйү, оорукана, дарыкана бар. Үй-бүлөлүк дарыгерлер тобу, соода түйүндөрү, турмуш-тиричилик кызматынын бөлүмдөрү, тамактануу жайлары иштейт.