КЫПЧАКОВ Жумабай
КЫПЧАКОВ Жумабай (11. 9. 1929-ж. т., Чүй обл., Кант р-ну, Алга айылы) – гобойчу, Кыргыз ССР эл арт. (1986). 1957-ж. Фрунзедеги М. Күрөңкөев атн. муз. окуу жайын бүткөн. 1944-жылдан Кыргыз мамл. филармониясынын Кыргыз эл аспаптар оркестринде адегенде комуз черткен. Гобойду Ленинграддан эвакуацияланып келген гобойчу И. Ильясовдон үйрөнүп, кийин оркестрде гобой партиясын ойногон туңгуч музыкант. Кыргыз, орус ж-а дүйнөлүк көрүнүктүү композиторлордун (Моцарт, Гендель ж. б.) гобой
үчүн жазылган чыгармаларын чебер аткарат. П. Шубин атн., М. Абдраев атн. балдардын муз.мектептеринде сабак берген . -
Оркестрдин курамында СССРдин шаарларында, Францияда, Италияда, Румынияда ж. б. гастролдо болгон. Медалдар м-н сыйланган.