КЫЗЫЛ-БУЛАК 1
КЫЗЫЛ-БУЛАК – Баткен обл-нун Кадамжай р-нундагы кыштак. Көтөрмө айыл округуна караштуу. Шаймерден капчыгайында, Ак-Суу суусунун ж-а Фергана – Хамза-Абад автомобиль жолунун боюнда, деңиз деңг. 2080 м бийикте жайгашкан. Райондун борбору Пүлгөн кыш-нан 15 км түш.-чыгыш тарапта. Маргалаң т. ж. бекетинен (Өзбекстан) 48 км. Калкы 1555 (2009); негизинен мал ж-а дыйкан чарбаларында эмгектенет. Орто мектеп, китепкана, бала бакча, клуб, ФАП бар. Тамактануучу жайлар, соода түйүндөрү иштейт.