КИЧИ ЖАРГЫЛЧАК
КИЧИ ЖАРГЫЛЧАК – Ысык-Көл обл-нун Жети-Өгүз р-нундагы кыштак. Жаргылчак айыл округуна караштуу. Ысык-Көлдүн түш. жээгинде, Кичи Жаргылчак суусунун сол өйүзүндө, Бишкек – Каракол автомобиль жолунун боюнда, деңиз деңг. 1649 м бийикте жайгашкан. Райондун борбору Кызыл-Суу кыш-нан 31 км батыш тарапта. Балыкчы т. ж. бекетинен 160 км. Калкы 2494 (2007); негизинен мал м-н алектенет ж-а карагат теришет. Орто мектеп, китепкана, бала бакча, мад-т үйү ж. б. бар.